La sant Justin dóu Grelh

Ana à la sant Justin dóu Grelh es counta… counta la vido vidanto dóu païs rouergas, counta la tradicioun viscudo soulido dins aquest terraire, counta l’Amista.

Ansin, li 9 e 10 d’avoust, coume de coustume se tenguè l’acamp dóu Grelh Rouergas, beileja pèr soun cabiscòu lou Mèstre d’obro Renaud FALISSARD. Dous jour pèr descurbi li vilage de Bouzouls e Bezounes, proche de Roudés.

De coumpagno ‘m’ un guide, l’escolo felibrenco dóu Grelh Rouergàs, avié alesti uno vesito de Bouzouls e de soun site geoulougi di « Trau de Bouzouls » vo « Gourg d’Infer », que la legèndo souno tambèn « lou trau dóu diable » ; es un tourniclet, (= méandre) fenoumeno d’acranchimen dis aigo de la ribièro lou Dourdou, qu’a cava un cirque naturau en fourmo de ferre de chivau de 400 m de diamètre e de mai de 100 m de prefoundour.
En seguissènt lou draiòu boutani e la cascado dóu Gourg d’Infer, lou guide nous menè pièi i dos tourre medievalo, vesita la glèiso roumano Santo Fauto dóu siècle voungen.

***

Counta lou Grelh es parla peréu de la fèsto, la felibrejado lou vèspre, dóu tèms que la nuie vèn founso, li musicaire e li dansaire menon un trin jouious.

Lendeman, après l’acamp annau, e la messo councelebrado pèr lou Paire Jòrgi Passerat, Majourau, i’a la taulejado partejado pèr un mounde d’ami e sòci dóu Grelh. Demié lis afiscaire plèn de talènt s’atrobo Amans Batut, un Grelhet, caro douço, is uie dubert sus la bounta. Cantaire, musicaire, Amans intro en cansoun coume se rintro en preguièro, nous semound sa voues, ié pourgissèn nosto escouto. Alor se passo quaucarèn de singulié, se revèlo un persounage pertoucant, pèr la voues, quàsi empeira, Amans Batut es dins la poutènci dóu lengage, esbrando lou regardaire. Se coungoustan, es un moumen d’esmougudo tras que vivo.

Lou tèms passo, fau se dire « adiéu », esperan se revèire l’an que vèn, à la sant Justin…

Agenda

< 2022 >
janvier 16 - janvier 22
  • 16
    Aucun événement
  • 17
    Aucun événement
  • 18
    Aucun événement
  • 19
    Aucun événement
  • 20
    Aucun événement
  • 21
    Aucun événement
  • 22
    Aucun événement
© Le Felibrige Tous Droits réservés | Réalisation Dream Media® 2016 - Mentions légales et crédits