Le Cordon Camarguais representavo
la Mantenènço de Lengadò-Roussihoun
à la Santo-Estello de BRAGEIRA
Founda en 1965 e establi à Nime, lou group fóuclouri Le Cordon Camarguais, respoundènt au vot espremi pèr lou Sendi Gabriéu Brun, a agu l’ounour aqueste an de representa la Mantenènço de Lengadò-Roussihoun à la Cour d’Amour, dins l’escasènço de la dimenchado san-estelenco.
Journado entamenado pèr la Grand Messo, óufice dins lou quau li tambourinaire an agu lou grand plesi de jouga à la demando dóu Majourau Valèri Bigault, lou group a près sa part d’animacioun e de soulèu dins un ufanous passo carriero, ounoura de la presènci à si coustat di felibre lengadoucian.
Acoumpagna pèr l’ensèn tradiciounau de Fourco, l’Escolo d’Argènço, un bèu proujèt fuguè mena e presenta à iéu vesènt di felibre recampa à Brageirac.
Lou tèmo de la prestacioun èro uno counvidacioun dóu publi à un bal, dins uno bello bastisso entre Nime e Fourco, en terro gardounenco.
Entre danso d’animacioun e danso de demoustracioun, dansaire e tambourinaire an presenta un tros requist dóu repertòri mesclant danso de tradicioun militàri e danso de souciableta, pèr la demoustranço qu’un groupamen tradiciounau se dèu de pousa soun sabé dins d’elemen couregrafi istouri e dins la siéuno esperiènci.
Avèn de gramacia tambèn lou flame Majourau Andriéu Gabriel, qu’a acoumpagna lis tambourinaire, pourgissènt soun suplemen d’energìo à uno tant bello journado.
Mèstre d’Obro dóu Felibrige, Dàvi RIBES
