GRAND FELIBREJADO VI enco DIS ESCOLO À LUNÈU-VIÈI

 I Burèu dis escolo de la Mantenènço

 

Cabiscolo, Cabiscòu, mi cars ami membre di Burèu d’escolo felibrenco e sòcio,

Grand plasé me fai de vous manda l’ordre dóu jour de l’acamp venènt, fasès voste proun pèr veni acoumpagna de vòstis ensignaire e vòsti secretàri. De tout biais La Grand Felibrejado dis Escolo s’adrèisso en tóuti lis afouga de nosto lengo e nosto culturo, adounc vous i’ espère forço noumbrous emé vòsti cant, pouësìo, musico, danso, cascareleto, sceneto e subre-tout voste bon viéure. M’agradarié dounc d’agué uno flamo participacioun d’en tóuti lis escolo, dins uno meno de targo culturalo, uno meno de Court d’Amour se vous agrado miéus. Avès enjusquo lou dissate 28 de setèmbre pèr vous ié prepara e repeta, sigués bèn brave, car Cabiscòu de bèn voulé parteja l’interès d’un tau rescontre.

Vous mande, en tóuti, moun amista felibrenco,

Lou Sendi

 

Sujèt : Acamp di Cabiscòu e de si Burèu dóu dissate 28 de setèmbre de 2019, à Lunèu-Vièi d’Erau.

Óujèt : Ordre dóu jour segui dóu prougramo

L’Acamp di Cabiscòu e Ensignaire : Au pica de la miejo de nòuv ouro, (9,30 ouro)

Vous demandan de respeta lis ouràri !

Aqueste an faren pas la presentacioun dis escolo, que nous soun, aro, bèn couneigudo, mai soulamen di nouvello, pèr li que nous voudran bèn li presenta. Saran evouca unicamen li questioun impourtanto : li proublèmo rescountra, la dificulta de beileja d’escolo, autambèn que de questioun diverso, sus l’ensignamen, quento grafìo fau-ti emplega, coume poudèn faire de felibre vertadié ???

La maje part de l’Acamp sara reservado à-n-uno taulo redouno pèr travailla sus l’ensignamen, l’escàmbi entre lis escolo, la preparacioun d’uno banco de dounado que poudrié se faire pèr lou biais de la teleragno : Lis escolo mandon de tèste au secretàri emé la mencioun coumençaire, avança o counfierma. Aquéli tèste saran regroupa e manda regulieramen, pèr lou secretàri, au Cabiscòu e Ensignaire (soulamen i cabiscòu e ensignaire) que poudran choisi un tèste que li agradara.

Vous demandan de veni à l’Acamp emé de questioun e de refleissioun sur la formo d’ensignamen que voulès, de vosto part e de la part de vòstis ensignaire.

La taulo redouno sara mestrejado pèr lou Sendi e d’ùni sintèsi saran facho pèr lou souto-Sendi de Gard.

Mèfi lou Sendi clavara la sesiho au pus tard à vounge ouro manco un quart (11,45 ouro)

  • PROUGRAMO GRAND PUBLI :

 – : De dès ouro à sièis ouro de vèspre (de 10h à 18h) pèr tóuti li vesitaire dins l’ Arangiero :

– Librejado en presènci d’editour, dis obro dis escolo, emé dedicadis dis autour, presènci di bouquinié.

– Un vuege armàri d’Arlatenco vous presentara si vèndo à la glòri dóu coustume d’Arle.

 – : Au pica de vounge ouro (11 h) se i’a de felibre nouvelàri que lou volon faren la remesso de pervenco óuficialo, acò sara segui de dicho dis autourita.

– : À vounge ouro e miejo (11,30 h) aperitiéu pourgi pèr lou Municipe

– : De miejour e miejo à dos ouro (de 12,30 h à 14 h) :

Vesito de la librejado e di mostro, emé soun vuege armàri d’Arlatenco.

– Mai (coume menciouna au poun proumié) la librejado e lou vuege armàri sara dubert, tre dès ouro enjusquo dos ouro e après lou repas de quatre ouro enjusquo sièis ouro de vèspre, pèr lis espausant que saran resta. Tóuti li persouno e li vesitaire que participon pas à l’acamp di Cabiscòu e dis Ensignaire podon vesita lou vuege armàri e la librejado de dès ouro enjusquo sièis ouro de vèspre !

– : À uno ouro repas tira dóu sa

– : À tres ouro Felibrejado afiscado pèr lis escolo souto uno meno de targo (amistadouso) culturalo.

Demandan en tóuti li participant de se faire encarta, au pus lèu, proche de soun Cabiscòu en ié baiant li titre de sis obro. Demandan, pièi, i Cabiscòu de bèn vouguè manda tambèn au pus lèu la tiero de si participant emé li titre en noste Baile Sèrgi Nuris : martine.nuris@orange.fr

 

PROUGRAMO (gramaci de li faire segui, emé la miroundello (en pèço astacado), en vòsti couneissènço touto, famiho, ami, etc.

Pèr tout entre-signe souna siegue Sèrgi Nuris au : 04.67.70.72.70 : martine.nuris@orange.fr

Siegue souna o escriéure au Sendi au : 06.24.71.33.41 : felibrige.languedocroussillon@orange.fr

En tóuti vous souvetan uno bello amista felibrenco.

 

Agenda

< 2019 >
août 11 - août 17
  • 11
    Aucun événement
  • 12
    Aucun événement
  • 13
    Aucun événement
  • 14
    Aucun événement
  • 15
    Aucun événement
  • 16
    Aucun événement
  • 17
    Aucun événement
© Le Felibrige Tous Droits réservés | Réalisation Dream Media® 2016 - Mentions légales et crédits