ACAMP GENERAU MANTENENCIAU DE FOURCO

Lou Felibrige Mantenènço de Lengadò-Roussihoun fara soun Acamp Generau à Fourco lou 24 d’abriéu

REMANDAMEN au 29 de Mai

 

Counvidacioun 

Ordre dóu jour

1°/ Acuiènço, rampèu di presènt e di representa (à parti de 9 ouro)

2°/ Remembranço di felibre defunta

3°/ Acuiènço di felibre nouvelàri

4°/ Aprouvacioun dóu verbau de l’Acamp Generau de 2020, de Bèu-Caire.

5°/ Raport mourau dóu Sendi

6°/ Raport d’ativeta pèr l’annado felibrenco de 2020 pèr lou Secretàri.

7°/ Raport d’ativeta di Cabiscòu d’escolo (sintèsi facho pèr li Souto-Sendi)

      (Demandan is escolo que l’an pas fa de manda si raport à si Souto-Sendi, gramaci).

8°/ Raport financié dóu Clavaire.

9°/ Raport de l’ausidou i comte.

10°/ Questioun diverso : s’avias quàuqui questioun de faire marca à l’ordre dóu jour, lou faire assaupre au Sendi lou mai lèu poussible.

11°/ Eleicioun de tres Souto-Sendi, un pèr l’Erau, un pèr lou Gard, e un pèr la Lausero.

12°/ Eleicioun dóu Sendi de la Mantenènço de Lengadò-Roussihoun.

13°/ Li Delega pèr la Santo-Estello de Mende (elegi pèr un an), fuguèron elegi lou 27 de setèmbre de 2020. Dato e endré de l’Acamp Generau pèr 2022 ?

(Demandan is escolo o i vilo de pausa candidaturo e de li manda au Sendi avans lou 15 d’abriéu)

 

Bada Nouta : Li persouno que se poudran pas gandi à Fourco, podon manda soun poudé à-n-un Felibre encarta dins la Mantenènço de Lengadò-Roussihoun, à jour de soun escoutissoun.

 

 

POUDÉ PÈR L’ACAMP GENERAU MANTENENCIAU

Iéu, souto-signa, Felibre marca au cartabèu de la Mantenènço de Lengadò-Roussihoun, à jour de moun escoutissoun :

NOUM e PICHOT NOUM  : ……………………………………………………………………………………..

Baie poudé à : ……………………………………. o à defaut à : …………………………………………….

 

Pèr me representa e vouta li questioun noutado à l’ordre dóu jour de L’Acamp Generau Mantenenciau de Fourco dóu 24 d’abriéu de 2021 à dès ouro.

 

À                                                                              lou                                 de 2021

Escriéure : « BON PÈR POUDÉ » e signa :

e manda au Sendi, vo au Souto-Sendi.

Es de nouta qu’un Felibre pòu pas teni mai de tres proucuro (cf. art. 61 dis Estatut dóu Felibrige)

 

Verbau de l’Acamp de Bèu-Caire de 2020

 

Lou dimenche 27 de setèmbre de 2020

Acamp Generau dóu Felibrige

Mantenènço de Lengadò-Roussihoun

Au Casinò municipau (salo di fèsto), i Prat de Fiero,

30300 BÈU-CAIRE de Gard

Aculi pèr l’Escolo Felibrenco de Tradicioun de Bèu-Caire

ACAMP GENERAU DE 2020

 

Lou Secretàri anóuncio :               1°/ RAMPÈU DI PRESÈNT E DI REPRESENTA :

Lou Sendi :        – Midamo e Messiés avian d’encarta au 11 de mars de 2020 :

  • 238 felibre dounc 13 escolo felibrenco

Voutant (presènt e poudé) :             Presènt : 35 +  Poudé : 57 = 91 Voutant

Lou quorum óutengu èi de : 35,50% (pèr 15 % requist). Lou quorum estènt largamen requist poudèn soumetre à voutacioun l’aproubacioun dóu Verbau de 2019, dóu raport financié. Adounc èi 10.22 ouro declare la sesiho de l’Acamp Generau dóu Felibrige Mantenènço de Lengadò-Roussihoun duberto. 

Lou Secretàri : L’Acamp Generau pòu dounc delibera e vouta souto la presidènci dóu Sendi lou Majourau Gabriéu BRUN…

En presènci dóu Capoulié En Jaque MOUTTET … En presènci dóu  Capitàni de la Nacioun Gardiano lou Majourau Gui CHAPTAL… Assista di mantenèire Sèrgi NURIS lou Secretàri… D’Enri ALCON lou Clavaire…

De Pau ASTRUC, de Gui BOURNETON e de Felip REIG li souto-Sendi.

La Majouralo Marìo-Nadalo DUPUIS Assessour de Lengadò-Roussihoun… Lou Majourau Enri BARTHES… Lou Majourau Jan FOURIÉ… Lou Majourau Roubert ROUSSET, soun pèr divèrsi resoun desencusa.

Avèn tambèn de desencusa mant un mantenèire qu’an pas pouscu se gandi à Bèu – Caire de Gard vuei e que nous an manda poudé, mai en particulié Janino Beaujard Cabiscolo de l’Escolo de Tradicioun de Bèu-Caire sias de tout segur desencusado ;

Vous mandaren, en tóuti, lou Verbau de la sesiho dins quàuqui semano. 

Lou Secretàri anóuncio Li gramaci dóu Sendi

Lou Sendi : – Capoulié dóu Felibrige En Jaque MOUTTET ; Ajouncho delegado à la culturo Mounico FOUGASSE ; Ajouncho delegado is assouciacioun Marìo-Pèire THIEULOY ; Capitàni de la Nacioun Gardiano Majourau Gui CHAPTAL ;

Souto-Cabiscolo de l’Escolo de Tradicioun de Bèu-Caire Verounico MARTIN ;

Secretàri Sèrgi NURIS ; Clavaire Enri ALCON ; Souto-Sendi de Lausero Pau ASTRU, Souto Sendi d’Erau Gui BOURNETON ; Souto-Sendi de Gard Felip REIG. Vosto presènço, en tóuti m’ei d’un grand soulas, vous n’en gramacìe dóu bon dóu cor.

– Cabiscolo, Cabiscòu, Ensignarello e Ensignaire vous gramacìe de vosto presènci, car sias li maioun endispensable d’infourmacioun, de relais e de porto-paraulo dóu message felibren sus lou relarg de chascuno de vòstis escolo.

– Càri manteneiris, car mantenèire, bèn lou bon-jour en tóuti, vous gramacìe d’agué respoundu de O à noste counvit de l’Acamp Generau de la Mantenènço de Lengadò-Roussihoun, que mau-grat lou proutoucole sanitàri avès tengu de i’èstre presènt, sian forço ounoura de vosto presènci, d’abord qu’acò ei bèn la marco de voste estacamen au Felibrige, vous souvetan, en tóuti, la bèn-vengudo.

Voudriéu faire un gramaci particulié à Moussu lou Maire de Bèu-Caire, Moussu Julian Sanchez, representa vuei Mmo Mirèio FOUGASSE. Vous gramacìe de nous reçaupre dins vosto grando e bello vilo de Bèu-Caire de Gard. Vilo au drud passa istouri, emé soun negòci fluviau, en aquéu tèms, lou mai impourtant de nosto regioun, emé sa Grand Fiero de la Madaleno qu’a fa de la vilo di bèlli pèiro, la vilo la mai coumercialo de noste Païs Gardés, gramaci.

Segne Capoulié, es sèmpre un grand ounour e tambèn uno fierta grando de vous reçaupre, cade an, à noste Acamp Generau, ei pèr de bon pertoucant, pèr la Mantenènço de Lengadò-Roussihoun, pèr soun Sendi, pèr si membre dóu Burèu, d’èstre chasque an ounoura de vosto Majo e Flamo presènci, Capoulié En Jaque MOUTTET dóu bon dóu cor vous gramacìe.

Siéu tant urous que pertouca, pèr la presènci de noste valènt Capitàni VIIen de la Nacioun Gardiano lou Majourau Gui Chaptal, ta presènci m’ei d’un grand soulas, e, simbouliso lou soustèn de la Nacioun Gardiano touto à nosto cambado felibrenco, pas soucamen dins lou Lengadò-Roussihoun, mai tambèn dins nosto Grand Camargo tant amado.

Gramaci Moussu Chaptal pèr tout acò bèu.

Me dève de gramacia e de bèn-astruga la flamo participacioun dóu Burèu de l’Escolo de Tradicioun de Bèu-Caire, que mau-grat tóuti li proublèmo que rescountran en aquesto pountannado, an fa de soun proun pèr nous bèn reçaupre, farai un gramaci particulié à Verounico Martin pèr soun bèl engajamen felibren. Avès Madamo la Cabiscolo, Janino Beaujard, uno colo di mai atravalido, devouado e afeciounado pèr bèn faire, osco e astru en tóuti.

Gramacìe moun estima Burèu pèr soun devouamen e soun indispensablo ajudo, pèr soun soustèn permanènt.

– Ai devé de faire un gramaci particulié à moun car Secretàri Sèrgi Nuris… Emé Sèrgi li causo soun claro, carrado e bèn arrestado, « lou countraire, belèu que l’auriéu pas aceta ? » Avèn plasé de travaia ensèn, d’abord qu’avèn li mémis eisigènci dóu travai bèn fa, dóu bon dóu cor, car Secretàri, gramaci.

Gramacìe tambèn en tóuti li que travaion dins l’oumbrino, «pènse en nòsti counjouncho : li pichòti man coume ié dison », li que nous ajudon de pas trop s’esvarta de la bono draio, en tóuti gramaci. 

Lou Sendi :    – 2°/ REMEMBRANÇO DI FELIBRE DEFUNTA EN 2019:

– Mmo NOUGARET Gineto                                                                                    de Lunèu-Vièi

– M. TICHIT Jóusè                                                                                                    de Beziés d’Erau

– M. BARRE Jan                                                                                                           d’Aigo-Morto de Gard

– Mmo AUGADE Amy                                                                                                d’Aubais de Gard

Mai tambèn nous fau apoundre à-n-aquesto tristo tiero, tóuti li felibre desparti despièi la debuto de l’annado de 2020 …

En memòri i defunta, vous demande d’agué uno pensado coumpatissènto en tóuti aquélis aprefoundi dins lou dòu d’un proche, en remembranço d’en tóuti me vau vous demanda d’óusserva uno minuto de reculimen.

………………………………………………………………………………………………..

Que Nosto Santo Estello ié duerbe d’à brand li porto dis Aliscamp, vous gramacìe. 

Lou Sendi anóuncioAprès li peno ei l’ouro à l’esperanço d’uno Mantenènço que mai forto :

Pèr noste Secretàri Sèrgi Nuris : 3°/ ACUIÈNÇO DI FELIBRE NOUVELÀRI ENCARTA AU FELIBRIGE EN 2019

Dounc en 2019 avèn agu lou bounur d’encarta Quinge felibre nouvelàri que me vau li nouma,

(Li felibre presènt dins la salo se podon auboura à l’anóuncio de soun noum:

01) Mmo BERTAUD Genevivo                                                                  Sant-Gile de Gard

02) Mmo DAGAND Couleto                                                                         Arle di Bouco-dóu-Rose

03) Mmo DAMIENS Doulourés                                                                 Fourco de Gard

04) M. DURAND Rougié                                                                               Sant-Gile de Gard

05) Mmo DUSSERRE Chantal                                                                      Sant-Gile de Gard

06) Escouleto la Sant-Gilenco                                                                 Sant-Gile de Gard

07) M. FAURE Roubert                                                                                Galargue lou Garèu de Gard

08) Mllo GRANDMAISON Estello                                                           Arle di Bouco-dóu-Rose

09) Mmo GUTIERREZ Eleno                                                                       Sant-Estiene dóu Gres di Bouco-dóu-Rose

10) M. LOMBARDO Estève                                                                        Eimargue de Gard :

11) Mmo LUCHESI Corine                                                                            Sant-Estiene dóu Gres di Bouco-dóu-Rose

12) M. MATHIEU Louïs                                                                               Bagnòu de Cese de Gard

13) M. NOUGUIER Roubert                                                                      Coudoulet de Gard

14) M. PIERRE-AUGUSTE Rougié                                                         Mont-Pelié d’Erau

15) Mmo ROCHEFORT Cristel                                                                  Nime de Gard

Avèn encarta despièi la debuto de 2020 un vintenau de felibre, saran nouma pèr l’Acamp Generau de l’an que vèn, lou dissate 10 d’abriéu de 2021, i’a forço mantenèire nouvelàri dins la salo, li saludan dóu bon dóu cor.                                

                                                              Tiero dis encarta en debuto d’annado de 2020

1) Mmo ALESSANDRI Gladis                                                                      Vergezo de Gard

2) M. AUBANEL Berangié                                                                           Sant-Gile de Gard

3) M. CANTALOUBE Gibert                                                                      Marsihargue de Gard

4) Mmo CANTALOUBE Tereso                                                                 Marsihargue de Gard

5) Mmo CAUSSÉ Lila                                                                                         Rafèlo-lis-Arle di Bouco-dóu-Rose

6) Mmo CHEIRON Mounico                                                                        Bouiargue de Gard

7) Mmo EMANUEL Marìo                                                                             Moules di Bouco- dóu-Rose

8) Mmo EMANUEL Sandrino                                                                      Moules di Bouco- dóu-Rose

9) Mmo FLANDIN Francino                                                                       Bouiargue de Gard

10) Mmo GAUSSEN Cecilo                                                                            Vergezo de Gard

11) M. GAUSSEN Jan-Pèire                                                                         Vergezo de Gard

12) Mmo GRANDCHI-CHAPTAL Magalouno                                  Sant-Laurèns- d’Eigouso

13) Mmo JEANJEAN Ange-Lino                                                                Sant-Gile de Gard

14) Mmo MARTIN Myriam                                                                         Vergezo de Gard

15) M. SABATIER Jaume                                                                             Eimargue

16) Mmo TRESSE Anìo                                                                                   Fourco de Gard

17) M. ZARCONE Tiers                                                                                Paris 

Lou Sendi : – Gramaci Secretàri – Vous bèn-astrugan car felibre nouvelàri e vous souvetan la bèn-vengudo dins nosto grand famiho dóu Felibrige, vous souvète, en tóuti, uno caminado felibrenco forço endrudissènto e forço agradivo, la pervenco ei noste bastoun de roumiéu que nous ajudo de faire counèisse nosto culturo prouvençalo. Vòstis encartamen nous acourajon de buta que mai à la rodo, car ei de pèr vautre, bèu mantenèire, que la Mantenènço de Lengadò-Roussihoun s’en devèn que mai couneigudo e recouneigudo… Car ei de pèr vautre que lou Felibrige fai lume dins vòsti fougau, dins vòsti rode, demié vòsti famiho e demié vòstis ami… Car ei pèr vautre que poudèn un bèu jour crea d’escolo felibrenco pèr pousqué respondre de O en tóuti li demando que chasque an avèn. Nautre que sian au gouvèr d’aquesto Mantenènço avèn devé de vous interessa… – de vous escouta… – de vous prepausa… – de vous avaloura, pèr que chascun de vous se recounèisse en vertadié felibre mantenèire… Vous gramacìe e vous bèn-astrugue, longo e bono caminado felibrenco en tóuti. 

Lou Secretàri anóuncio : 4°/ APROUVACIOUN DÓU VERBAU DE L’ACAMP GENERAU DE 2019 DE SANT-GILE

Lou Sendi : – Lou Verbau de l’Acamp Generau de 2019, redigi pèr noste Secretàri Sèrgi NURIS, vous fuguè manda au mes de mars passa. Chascun l’a pouscu legi dins soun tèms, e, coume pèr l’ouro ai pas jamai reçaupu de desaprouvacioun o de remarco me vau vous demanda, se lou voulés bèn, de vouta soun aprouvacioun à man levado :

Quau es contro ?                                  0                Quau s’astèn ?          0

Vous gramacìe                                                          Lou verbau es adóuta à l’unanimeta di presènt e di representa 

Lou Secretàri : – L’an passa vous aviéu tambèn demanda, pèr pousqué espargna de frès poustau, se sarias d’acòrdi de reçaupre lou Verbau e lou courrié óuficiau pèr la telaragno ?

La proupousicioun fuguè adóutado e nous permetra tre aro de faire ansindo, nous manco pèr l’ouro un bon cinquantenau d’adrèisso eleitrounico gramaci en li que l’an pas encaro fa, de nous li manda, gramaci. 

Lou Secretàri anóuncio :                                                                        – 5°/ RAPORT MOURAU DÓU SENDI :

 

Lou Sendi : – Segne Capoulié, Midamo e Messiés lis elegi, Moussu lou Majourau, Casbiscolo e Cabiscòu, Ensignarello e Ensignaire, Felibresso Manteneiris e Felibre Mantenèire, – Assaje d’èstre lou mai atentiéu, que m’es poussible, i remarco, i soulicitacioun, e fai de moun proun pèr douna satisfacioun… Mai coume noun avèn lou meme biais de vèire li causo, meme simplo, ei gaire eisa de satisfaire tout lou mounde. – Assaje d’èstre creaire… emé lou Cafè Prouvençau,… lou Festenau de Filme d’O,… lis Escouleto,… la Librarié dóu Resson dóu Nostre,… la Grand Felibrejado dis Escolo,… La Fourmacioun d’Ensignaire Bountous… e que sabe encaro ? – Ai un mouloun d’idèio autro, d’ùni que me tenié à cor de coumpli e que noun ai pouscu faire, d’ùni que m’agradarié de realisa, mai pèr l’ouro me retrobe un pau soulet davans aquésti proujèt.

– En 2019 un pichot proublèmo de santa m’a aliuncha de mi proujèt e forço alenti moun enavans, e vuei fau pas comta sus aquest an d’aqui pèr coumpli de bèlli causo, qu’avèn uno annado de 2020 que nous destimbourlo de-founs, en nous empegant de proutoucole sanitàri rigourous e forço daumajous. – Ho ! Pèr l’ouro ! Vous n’en fasès pas de trop, d’abord que garde lou mourau e l’envejo de toujour faire mai e miéus. – Acò di : fai de moun proun pèr segui coume se dèu li piado de nòsti davancié, tout en assajant de me durbi sus l’avenidou, en creant e presenta de nouvèu proujèt. – Proujèt qu’enjusqu’aro dèvon pourta fru, pas que de vèire l’encartamen regulié di felibre nouvelàri chasque an : quinge en 2013, vint-e-tres en 2014, vint-e-vue en 2015, dès-e-nòu en 2016, vint-e-dous en 2017, vint-e-un en 2018 e quinge dounc en 2019, acò fai uno mejano d’un pau mai de dès-e-vue felibre mantenèire pèr an, es acò la garroto que m’acourajo de persegui moun pres-fa e que me baio l’enavans pèr lou coumpli. – Dins nòstis escolo, ressènte un boulegadis,… uno envejo de bèn faire, e coustate emé grand gau que d’ùni ensignaire nouvelàri s’escampon à baio, sarai sèmpre atentiéu à sis esperanço e toujour aqui pèr lis ajuda. – Ma toco à iéu ei de pas faire de diferènci, d’abord que tóuti lis escoulan se dèvon lou meme respèt, la memo atencioun, lou meme interès, de la part de nòstis ensignaire. – Avèn pas que d’escoulan adulte, la maje part soun à la retirado, e nous fau bèn coumprene qu’ei pas eisa à-n-un adulte de buta li porto de nòstis escolo, quand i’a un brave tèms qu’an quita li banc de l’escolo de la Republico. – Vole tambèn que chasque ensignaire aguèsse devé d’ensigna nosto lengo e nosto culturo prouvençalo e felibrenco, dins lou respèt de l’Èime Mistralen. – Coume m’agrado de vous lou dire noste passat, ei noste aveni, car noun poudèn agué d’aveni sènso trasmetre noste drud patrimòni culturau.

Acò di, gènto Cabiscolo e Ensignarello, car Cabiscòu e Ensignaire, vous fai mis astru di mai courau pèr la bello obro que coumplissès chascuno e chascun dins vosto escolo. – Sabe coume ei coumplica d’ensigna, sabe que la maje part d’entre nautre soun que de bountous, que sian pas dóu mestié, qu’ensignan emé lou cor la culturo que nous fuguè trasmesso, alor ! que fuguessian dóu mestié o simple passaire de culturo coume iéu, fasen lou emé lou cor dins lou respèt d’aquest Èime Mistralen. – En 2018 avèn soustengu lou doursié de demando de recouneissènço, au patrimòni inmateriau de l’UNESCÒ, à l’aflat de la Federacioun Franceso de Cousso Camarguenco. Mai se trobe qu’uno talo demando pèr l’esport unicamen noun poudra passa, assabenta d’acò s’es creado uno assouciacioun que i’an mes “Association Cultures et Patrimoines Camarguais”, que seguis sa draio, mai à l’ouro d’aro lou fau bèn dire lou doursié, pèr un mouloun de resoun, penequejo un pau. Espère just, que tourna-mai, avèn pas travaia pèr rèn, coume l’avian fa en 2007 e 2008. – En 2018, uno famiho procho de Frederi MISTRAL e de Nicoulau LASSERRE an tengu de me pourgi li còpi manuscricho de l’obro coumplèto de Mèste Nicoulau. – Lou Proumié Rouman La Gardiano : Rouman Camarguen en fourma A5 de 186 pajo, ei sourti di prèisso de Noumbre 7, souto l’Edicioun Resson dóu Nostre dóu Felibrige Mantenènço Lengadò-Roussihoun, soun pres de vèndo ei de 15 éurò. Aqueste rouman camarguen « La GARDIANO » ei lou raconte d’uno pountannado de vido de Mèste Nicoulau. Nicoulau LASSERRE nous conto, de-tras uno istòri d’amour un pau tihouso, sa fe de Bouvino e pèr Camargo. Lou rouman coumenço pèr uno escourregudo à l’entour d’Aigo-Morto e s’espandis pièi dins Camargo touto, tout acò em’uno precisioun de geougrafe e d’istourian qu’èro. Tóuti li noum di persounage cita soun reau e nous remèmbron li gènt dóu terraire e subre-tout li grand gardian d’un siècle de Bouvino. Aquest apassiounant rouman baio à si legèire un chale vertadié.

– Travaian adeja sus lou Segound Rouman : Conte de Paris e d’Aiours

Ma toco e moun espèr, ei de pousqué edita li quatre rouman e pièi li pèço de tiatre e li nouvello de Mèste Nicoulau. D’aquéu biais estènt edita pèr la Mantenènço, lis edicioun dóu founs de l’obro de Mèste Nicoulau restarié dins lis Archiéu Mantenenciau. – Voudriéu acaba moun raport mourau en vous disènt ma fisanço en l’endevenidou de nosto Mantenènço de Lengadò-Roussihoun, … – Fisanço en nòstis escolo qu’an lou soucit de bèn faire,…

Fisanço i felibre nouvelàri que sabon lou perdequé de soun afihacioun au Felibrige e l’engajamen qu’an pres en rintrant dins nosto famiho,… – Fisanço à la jouvènço que prenon counsciènci de la fragileta de nosto culturo…

Ai tout de me gaudi d’aquest endevenidou de nosto Mantenènço de Lengadò-Roussihoun. Es-ti pas à la Santo-Estello de Pertus, lou vue de jun de 2019,

Que lou Counsistòri faguè Mèstre d’Obro dóu Felibrige :

Sèrgi NURIS noste bèn simpati Secretàri…

Silvia PUIG l’atravalido Secretàri e Ensignarello à l’escolo felibrenco “Lou Ciéucle Lengo d’O” dóu Cantoun d’Aigo-Morto

Que lou Counsistòri atribuïguè uno letro de felicitacioun,…

À la manteneiris devouado Chantal BOURNETON beilesso de l’Escouleto La Margarideto

À l’afouga mantenèire Enri ROCHER dóu Grau-dóu-Rèi

À l’aparaire de la culturo nostre Gille DUMAS Maire de Fourco

Que lou Counsistòri faguè Escolo Felibrenco,… L’Escouleto “La Sant-Gilenco” qu’es uno seicioun de : « Association Histoire, Archéologie e Sauvegarde » de la vilo de Sant-Gile de Gard.

Vaqui pèr moun Raport Mourau, auriéu forço causo d’apoundre, mai i’a encaro forço obro de coumpli pèr pousqué clava aquest Acamp Generau en tèms e ouro, vous gramacìe de m’agué ausi.

Lou Secretàri : Car felibre avès-ti de questioun ?          Aproubacioun dóu raport mourau dóu Sendi. 

Quau es contro ? : 0                                                                  Quau s’astèn ? : 0                                                   Vous gramacìe 

Lou raport mourau dóu Sendi es adóuta à l’unanimeta di presènt e di representa 

Lou Secretàri : – 6°/ RAPORT D’ATIVETA DE LA MANTENÈNÇO DE LENGADÒ-ROUSSIHOUN PÈR L’ANNADO DE 2019

 

Lou Secretàri : – Capoulié En Jaque MOUTTET, Majourau Gui CHAPTAL, car membre dóu Burèu Mantenenciau, Manteneiris e Mantenèire. Lis ativeta de la Mantenènço de Lengadò-Roussihoun, en aquesto annado de 2019, fuguèron counformo à sis ativeta coustumiero. – Lou Sendi a ounoura tout si counvit is Acamp Generau dis escolo, quand n’en fuguère counvida óuficialamen ; N’aproufiche pèr vous renouvela qu’au debana de vòstis Acamp Generau la presènci dóu Sendi es impourtanto, d’abord que ié permet d’èstre mai proche de vous, en vous rescountrant, vous e vòsti membre, ié permet tambèn de pousqué respondre i questioun e is esperanço de chascun de vous, e pièi ei forço impourtant de se rescountra pèr se miéus counèisse. – Lis escolo de nosto Mantenènço an dispensa de cous de lengo, de tiatre, de cous de cant e de cous de danso, mai tambèn d’atalié d’iniciacioun à nosto culturo, poudèn dire que l’annado de 2019 fuguè uno annado di bono. – S’es espingoula manto uno pervenco, dins manto uno escolo e acò es uno bono causo; Aqui, tourna-mai, vous voudriéu dire l’impourtanço d’aquésti ceremounié de remesso de pervenco, lou Sendi voudrié que chasco escolo rendeguèsse óuficiau aquésti remesso de pervenco, es impourtant pèr l’Escolo, es impourtant pèr lou Felibrige, mai es encaro mai impourtant pèr lou felibre mantenèire que la reçaup, d’abord que se vèi aceta e recouneigu dins nosto grand famiho. – Avèn agu l’ounour d’espingoula dos cigalo d’argènt de Mèstre d’Obro dóu Felibrige, uno à Sèrgi NURIS noste Secretàri Mantenenciau e uno à Silvia PUIG Secretàri dóu Ciéucle Lengo d’O dóu Cantoun d’Aigo-Morto. Mai tambèn avèn remés tres letro de felicitacioun, uno à Chantal BOURNETON Beilesso de la Margarideto, uno à Enri ROCHER Fidèu incountesta dóu Felibrige e uno à Gile DUMAS Maire de Fourco pèr lou pieloun qu’a auboura en l’ounour de Frederi MISTRAL e tambèn pèr soun soustèn à la Causo Felibrenco. – Coume chasque an lis oumenage coustumié soun esta respeta : La Journado dedicado à Founfono Guilherme en Eimargue ; La counmemouracioun de la mort de Frederi Mistral à Maiano, en Aigo-Morto e en Eimargue, e espère dins un mouloun d’àutri vilo dóu nostre, faudrié que chasco escolo ourganiso lou 25 de mars, autambèn à-n-uno dato procho dóu 25, un pichot oumenage au Mèstre. La journado de preparacioun di Vierginenco e La Fèsto di Vierginenco i Santo ; (En 2019 se sian pas gandi à Roudés pèr lis Estivado, mai faren de noste proun pèr assegura lou taulié dóu Felibrige is “Estivada” venènto, mai aquest an d’aqui Lis “Estivada” fuguèron anulado). La Journado di Tradicioun e di Gènt de Mestié de Bouvino i Santo en l’ounour de Mas NIQUET ; Lis edicioun reguliero di buletin soun tambèn respetado emé serious; Lis emessioun de radiò ; Nòsti participacioun dins li filme d’O e Li Cafè Prouvençau que fan sèmpre flòri. Li Gènt d’Eici à Radiò Delta FM 88.9 e à Radiò Lengadò 94.5, Radiò Nime 92.2 e subre d’ùnis anteno Loucalo. Noste Festenau de Filme d’O ourganisa en Aigo-Morto lou 25 de Febrié, Festenau que recampo de mai en mai de mounde, es uno capitado. Avèn soustengu e participa i Parla de Gard de Mandiuel, (lou tèmo èro : L’amista) Avèn participa à mant un acamp culturau. Se poudèn felicita dis esfors que fan nòstis escolo chascuno dins soun relarg, ensignamen, escourregudo, tiatre, cafè, taulo redouno, lotò e que sabe ? La Mantenènço de Lengadò-Roussihoun a ourganisa sa sieisenco Grand Felibrejado dis escolo, fuguerian poulidamen bèn reçaupu pèr la Coumuno de Lunèu-Vièi, souto lou beileja de l’enfant dóu païs lou mantenèire Jan-Louïs GIRARD.

L’annado s’es acabado pèr uno moulounado de bòni Vesprado Calendalo.

Vaqui pèr lou raport d’ativeta qu’ai assaja de n’en faire un resumit proun coumplèt. 

Lou Secretàri : – Aro li Proujèt pèr 2020 :

                             D’en proumié voudriéu dire, qu’em’aquesto annado particuliero, encauso à la pandemìo, avèn pouscu ourganisa pas que lis ativeta previsto dins lou trimèstre proumié e encaro pas coumplèt.

Me vau vous legi tambèn li proujèt, meme que noun se poudran realisa, raport i proutoucole sanitàri. 

Lou Secretàri : – Avèn ourganisa, coume aquest an, lou dilun 10 de febrié lou Festenau seten de Filme d’O, em’un poulit prougramo de nòu court e mejan-metrage, poulido capitado d’aqueste festenau, gramacìe en particulié li felibre presènt que nous recampon proun de mounde.

– Li Festenau soun forço treva, mai La Mantenènço sarié encaro mai e miéus representado se i’avié un pau mai de felibre presènt, de mai que fasèn tout d’à gràtis, l’intrado, lou béure e lou manja, autambèn que lou parcage.

Voulèn sousteni nòsti Cafè Prouvençau de Sant-Laurèns d’Eigouso, de Vilatello e de Lunèu, de Bèu-Caire e de Vergezo e se n’i’a d’autre nous lou fau dire.

– Saren presènt à tout ço que toco nosto culturo, coulòqui, librejado e saloun, entrèvo, universita, counmemouracioun, envernissage, filme, emessioun de televesioun e de radiò, e de tout segur que saren en tóuti lis acamp dóu Felibrige.

– Avèn previst d’edita, souto : Edicioun Resson dóu Nostre Felibrige Mantenènço de Lengadò-Roussihoun, uno partido de l’Obro de Mèste Nicoulau.

– Coume l’avèn evouca l’an passa voulien crea de rescontre culturau alentour de la lengo, dins lou biais d’uno taulo redouno pèr charra tout simplamen la lengo, pèr faire recounèisse noste lengage e tambèn parla de ço que nous tafuro, pertoco o autambèn ço que nous agrado.

(La voulien faire pèr la Grand Felibrejado dóu dissate 26 de setèmbre à Magalouno, reçaupu pèr l’Assouciacioun Lis Ami de Magalouno, mai vaqui que sian esta óubliga de l’anula.

Esperan qu’en 2021 poudren ourganisa aquesto Grand Felibrejado dis Escolo).

Vaqui pèr li principau raport d’ativeta et proujèt. 

Lou Sendi : – Gramaci car Secretàri Pèr l’ouro avèn toujour pas reçaupu de letro de moutivacioun, sabèn dounc pas mounte anaren l’an que vèn ? ,.. Car felibre avès-ti de questioun ? Pas cap de questioun

Lou Secretàri anóuncio : 7°/ RAPORT D’ATIVETA DI CABISCÒU DIS ESCOLO (sintèsi facho pèr li souto-Sendi)

                                 Lou Secretàri : 1) – Lou souto-Sendi d’Erau, lou Mèstre d’Obro dóu Felibrige Moussu Gui BOURNETON :

Pèr L’Escolo dóu Vidourle emé si cous de Lunèu e Galargue ; La Nacioun Gardiano ; l’Escolo de Trencavel Farandoulo de Beziés e l’escouleto Lou Plantié de Marsihargue.

Lou Secretàri : 2) – Lou souto-Sendi de Lausero, lou Mèstre d’Obro dóu Felibrige Moussu Pau ASTRUC :

Pèr l’Escolo Gabalo e lis Amis de la lengo d’O à Paris.

Lou Secretàri : 3) – Lou souto-Sendi de Gard, lou Mèstre d’Obro dóu Felibrige Moussu Felip REIG :

Pèr Païs Nostre – l’Escolo Literàri de la Tour-Magno – lou Ciéucle de Lengo d’O dóu cantoun d’Aigo-Morto – li Gènt dóu Bufaloun – l’Escolo Sian d’Aqui – l’Escolo de Tradicioun de Bèu-Caire, l’Escolo la Sant Gilenco e li tres escouleto la Margarideto, lou Parla de Nòstis Àvi e l’Escolo d’Argènço

Lou Sendi :        Li resumit e li raport d’ativeta coumplèt dis escolo saran joun is archiéu mantenenciau, uno foutoucòpi sara mandado au Burèu centrau dóu Felibrige.

Gramaci car souto-Sendi, car felibre avès-ti de questioun ? Pas cap de questioun. 

Lou Secretàri anóuncio : – 8°/ RAPORT FINANCIÉ DÓU CLAVAIRE ENRI ALCON

Lou Clavaire : RAPORT FINANCIÉ DE 2019

Bilans 2019 Car Capoulié, car Majourau, car Felibre, cars ami, Midamo, Messiés, vous vau legi lou comte rendu financié de la Mantenènço dóu Lengadò-Roussihoun. Li comte van dóu proumié de janvié dous-milo-dès-e-nòu au trento-e-un de desèmbre de dous-milo-dès-e-nòu. Se voulès li counsulta, li caièr soun à vosto dispousicioun, devès avedre i man li bilans di despènso e di recèto. Li comte soun esta verifica e aprouva lou : 25 de febrié 2020.Vau coumença lou bilans pèr li despènso. Despènso dóu proumié de janvié au trento-un de desèmbre dous-milo dès-e-nòu :Frès de posto : tres cènt cinquanto éurò quaranto quatre, (350,44). Festenau dóu film : vue-cènt-sege éurò cinquanto cinq (816,55). Frès Copy-Center : très-cènt-vinto-quatre éurò vuetanto-nòu 324,89). Frès flour decès (Jo Vidal èro noste rèire clavaire) quaranto éurò (40). Frès Acamp mantenènço milo-sèt-cènt-trento-cinq éurò cinquanto (1735,50). Frès d’oustalarié Santo-Estello Pertuis dous-milo-quaranto tres éurò trento-sièis. (2043,36). Frès croumpo diciounàri cènt-cinquanto éurò (150). Frès croumpo pervenco dous-cènt-quaranto éurò (240). Afihacioun AGEPT cinquanto éurò (50). Frès grando felibrejado sieissanto-nòu-éurò-setanto (69,70) frès desplaçamen Sendi quatro-milo-quatre-cènt-cinquanto-vue éurò. (4458) Toutau generau di despènso dès-milo-dous-cènt-setanto-vue-éurò quaranto-quatre (10278,44).Recèto dóu proumié de janvié au trento-un de desèmbre dous milo-dès-e-nòu Recèto Acamp mantenènço : dès-e-nòu-cènt trento éurò (1930). Recèto Santo-Estello Pertuis: dès -e-nòu- cènt -vuetanto éurò(1980). Suvencioun Coumuno de Vendargues : cinq cènt éurò (500). Recèto pervenco : cènt-quatre-vint éurò (180). Recèto grando felibrejado : très-cènt-qu. Doun desplaçamen Sendi : quatre-milo-quatre-cènt-cinquanto-vue éurò (4458). Toutau generau di recèto : dès-milo-cènt-nounanto-dous éurò nounanto (10192,90). Toutau generau di despènso : dès-milo-dous-cènt-setanto-vue éurò quaranto-quatre (10278,44). Sòude pousitiéu au trento-e-un de desèmbre dès-e-nòu : sièis-milo-sièis-cènt quaranto-dous éurò dès-e-nòu (6642,19). Verificacioun coumtablo : sege-milo-nòu-cènt-vint éurò sieissanto tres. (16920,63). Sòude pousitiéu au trento-un de desèmbre: dous-milo-dès-e-vue.  sièis-milo set-cènt vinto-sèt éurò setanto tres. (6727,73).

Egalita : sege-milo -nòu-cènt-vint éurò sieissanto tres. (16920,63)

Comte courrènt soucieta Generalo : sièis-milo-sièis cènt-quaranto-dous éurò des-e-nòu. (6642,19)

Lou clavaire

Enri ALCON 

Lou Sendi : Te gramacìe car Clavaire… car felibre avès-ti de questioun ? Pas cap de questioun 

Lou Secretàri anóuncio : – 9°/ RAPORT DE L’AUSIDOU DI COMTE PÈR LA MANTENEIRIS DONO SILVETO FARNETI

Silveto Farneti estènt desencusado soun raport sara legi pèr : Lou Mantenèire Ramoun Vendrell

Capoulié En Jaque Mouttet, Gabriéu Brun Majourau dóu Felibrige Sendi de la Mantenènço Lengadò-Roussihoun

Car felibre, cars ami,

En eisecucioun de la messioun que me fuguè fisado despièi lou proumié de mai de 2017, ai countourroula li comte relatiéu à l’eisercice acaba, lou 25 de febrié de 2020. Lou clavaire, Moussu Enri Alcon, a mes à dispousicioun li caièr e lou bilans financié de 2019. Assegure que li comte soun à respèt di règlo e principe coumtable, regulié e sincère. Gramaci Moussu Enri Alcon.

Séuveto Farneti

Felibre mantenèire

Mantenènço Lengadò-Roussihoun 

Lou Sendi : Vous gramacìe car Mantenèire Ramoun Vendrell 

Lou Secretàri : Car felibre avès-ti de questioun ?          Pas cap de questioun

Aro me vau vous demanda d’aprouba lou raport financié de noste Clavaire Enri ALCON.

Quau es contro ?                                  0               Quau s’astèn ?                                  0

Vous gramacìe                                                          Lou raport financié es adóuta à l’unanimeta di presènt e di representa

 

Lou Secretàri : 10 / ELEICIOUN DE DOUS SOUTO-SENDI, UN SEGOUND PÈR GARD, E UN PÈR LI PIRENÈU ÓURIENTAU, L’AUDO E CAMARGO.

Lou Sendi : Se trobo qu’emé la prougressioun de nòstis escolo, qu’espelisson dins Gard, l’obro de noste Souto-Sendi de Gard se trobo que mai cargado, ei dounc pèr acò qu’avèn fa apèu à candidaturo de Souto-Sendi qu’atribuïren au despartamen de Gard. Pèr l’ouro avèn reçaupu qu’uno souleto letro de moutivacioun dóu Mantenèire Dàvi Ribes, letro que Lou Secretàri vous vau legi :

Dàvi RIBES                                                                                                                                                              Majourau Gabriéu BRUN

Cabiscòu de la « Société Félibréenne La Tour Magno » de Nime                                           Sendi de la Mantenènço de Lengadò-Roussihoun

12, carriero dóu Trident                                                                                                                                30220 AIGO-MORTO

30300 FOURCO                                                                                                                                                    Fourco, lou 30 de mars 2020

 

Car Sendi, Car Gabriéu,

Li tèms presènt que vivèn soulignon s’es necite l’atualita e la justesso di valour umanisto de Frederi Mistral e l’emperiouso necessita que chascun adugue sa clapo pèr mounta lou clapié de l’aparamen de la Culturo Nostro.

La Mantenènço fai lou liame essenciau pèr que l’èime mistralen s’espandigue sus Lengadò-Roussihoun. Sus soun terraire, se recampon de felibre engaja e d’escolo de grando valour culturalo que meriton que se ié counsacre d’atencioun e de travai.

Ansin, ai l’ounour de vous presenta ma candidaturo pèr rejougne lou burèu mantenenciau e metre au service di felibre touto ma fe et ma tenesoun.

Amista felibrenco, Dàvi RIBES

Lou Sendi : Secretàri te gramacìe…

Car Dàvi sabe tout lou bèu que pènse de tu, e autambèn lou Burèu Mantenenciau qu’a valida emé gau e grand soulas ta candidaturo, sabe tambèn que fariés un bon Souto-Sendi. 

Lou Secretàri : Car felibre avès-ti de questioun ?          Pas cap de questioun

Aro me vau vous demanda de vouta, pèr lou poste de Souto-Sendi de Gard, la candidaturo dóu Mèstre d’Obro Dàvi Ribes. À l’apèu de voste noum vous faudra metre la biheto N°I dins l’urno, li que soun contro podon barra lou noum.

Quant de biheto pèr? :          90                               Quant de biheto contro? : 0                Quant de biheto nulo? : 1        Vous gramacìe

                                 Lou Mèstre d’Obro Dàvi Ribes es elegi Souto-Sendi à la majoureta di presènt e di representa

 

Lou Sendi :        Fasen un grand picamen de man pèr lou Souto-Sendi Dàvi Ribes…

                                 Car Dàvi se vos dire quicon lou micrò es à tu…

Dàvi Ribes :      Capoulié, Moussu lou Sendi, car membre dóu Burèu, Felibresso e Felibre vous gramacìe de la fisanço que m’acourdas, sara emé devouamen que vous adurrai moun esperiènci felibrenco.

Lou Sendi :        Te gramacìe, bèn-vengu au Burèu mantenenciau. 

Lou Sendi :        Dins moun raport mourau vous ai di qu’aviéu pas pouscu, pèr d’ùni resoun, realisa quàuqui proujèt que pamens lis aviéu à cor. Demi’ aquésti proujèt voulié tourna baia vido is escolo di Pirenèu Óurientau, de l’Audo e uno dins l’Erau (en Ate), ei pèr acò que vuei fasèn apèu à candidaturo de Souto-Sendi qu’atribuïren i despartamen di Pirenèu Óurientau e de l’Audo. E coume avèn un proujèt Camargo sarié tambèn Souto-Sendi de Camargo.

Pèr l’ouro avèn reçaupu qu’uno souleto letro de moutivacioun de la Manteneiris Ano-Liso Chivalié, …

Letro que Lou Secretàri vous vau legi : 

Anoliso CHEVALIER                                                                                                                                             Vau-Verd, lou 2 de febrié 2020

Cabiscolo de l’escolo felibrenco Sian d’Aqui

30600 VAU-VERD

Chevalier-annelyse@orange.fr

06 14 75 97 72

Au Sendi de la Mantenènço Lengadò-Roussihoun

Car Gabriéu,

Counsiderant la cargo de travai de la Mantenènço LR, que s’alargo sus cinq despartamen, e lou noumbre creissènt d’escolo felibrenco, es emé grand plesi qu’acète la proupousicioun de veni ranfourça la chourmo dóu burèu de la miéuno Mantenènço.

Me sèmblo tras qu’impourtant de teni tout lou relarg de Lengadò-Roussihoun, e que cade territòri ague un referènt o « persouno-ressourso » coume si dis aro, claro. Meme simboulicamen, es impourtant.

E acò empacho pas de-segur de se pourta d’ajudo entre souto-sendi, dins soun territòri, que sian tóuti de felibre travaian pèr la memo causo.

La Mantenènço Lengadò-Roussihoun e soun Sendi Gabriéu Brun podon se founda sus iéu e faire fisanço à ma grando determinacioun.

Amista felibrenco Anoliso Chevalier

Lou Sendi :        Secretàri te gramacìe…

Gènto Ano-Liso, sabe toun envestimen, ti coumpetènci e toun afougamen pèr l’aparamen e l’espandimen de noste patrimòni culturau, e sabe tambèn la fisanço que te fan li membre dóu Burèu.

Lou Secretàri : Car felibre avès-ti de questioun ?

                                 Pas cap de questioun.

Aro me vau vous demanda de vouta, pèr lou poste de Souto-Sendi di Pirenèu Óurientau, l’Audo e Camargo, la candidaturo d’Ano-Liso Chivalié Mèstre d’Obro dóu Felibrige. À l’apèu de voste noum vous faudra metre la biheto N°2 dins l’urno, li que soun contro podon barra lou noum.

Quant de biheto pèr? :          90                               Quant de biheto contro? : 0                Quant de biheto nulo? : 1        Vous gramacìe

La Mestresso d’Obro Ano-Liso Chivalié es elegido Souto-Sendi à la majorita di presènt e di representa

 

Lou Sendi :        Fasen un grand picamen de man pèr la Souto-Sendi Ano-Liso Chivalié…

                                 Gènto Ano-Liso se vos dire quicon lou micrò es à tu…

Ano-Liso Chevalier : Capoulié, Sendi, membre dóu Burèu, Felibresso e Felibre, prene la cargo d’un grand relarg, que necessito un travai grandaras, mai sara emé forço achinimen qu’assegurarai mi respounsableta, gramaci en tóuti pèr voste soustèn.

Lou Sendi :        Te gramacìe, bèn-vengu au Burèu mantenenciau. 

Lou Secretàri : 11°/ DELEGA PÈR LA SESIHO DÓU COUNSÈU GENERAU DÓU FELIBRIGE

À FOURCO LOU DIMENCHE 22 DE NOUVÈMBRE DE 2020 

Lou Sendi :        Presènto li candidat à la delegacioun di titulàri, pièi demando quatre suplènt.

Pèr li 4 Delega titulàri                                                                                                               Pèr li 4 Delega Suplènt

 

Lou Mantenèire Pau ASTRU                                                                                                                    Lou Mantenèire Sèrgi NURIS

Lou Mantenèire Gui BOURNETON                                                                                                     Lou Mantenèire Enri ALCON

Lou Mantenèire Felip REIG                                                                                                                      Lou Mantenèire Jan DELPIERRE

Lou Majourau Gui CHAPTAL                                                                                                                  Lou Mantenèire.Jan-Louïs FABRE

 

Quau es contro ?                                     0                                                                                                     Quau es contro ?                  0

Quau s’astèn ?                                           0                                                                                                     Quau s’astèn ?                       0

Aprouvacioun à l’unanimeta                                                                                                                   Aprouvacioun à l’unanimeta

 

Lou Secretàri : – 12°/ DATO E ENDRÉ DE L’ACAMP GENERAU PÈR 2021 ?

L’Acamp Generau de 2021 se debanara lou dissate 10 d’abriéu 

Lou Sendi :        Lou Sendi demando is escolo o i vilo de pausa candidaturo :

Càri Cabiscolo e car Cabiscòu, reçaupre l’Acamp Generau Mantenenciau es quicon d’impourtant pèr l’Escolo que lou reçaup, marco l’interès que pourtas au bon founciounamen de vosto Mantenènço e vous permet d’èstre que mai recouneigu en noste sen.

Pèr l’ouro noun ai reçaupu de letro de candidaturo, sabès que 2021 sara uno d’annado d’eleicioun dóu Sendi, e di Souto-Sendi adounc sara uno annado impourtanto pèr l’endevenidou de nosto Mantenènço de Lengadò-Roussihoun. 

Lou Secretàri : 12°/ QUESTIOUN DIVERSO :

Lou Secretàri : Avèn pas rèn reçaupu pèr l’ouro, mai s’avias quàuqui questioun lou Sendi es lèste pèr vous respondre.

Lou Sendi :        Vous voudriéu dire : « Sènso trahi lis entencioun dóu Capoulié (e en acord em’éu) vous voudriéu assabenta dóu proujèt de creacioun d’un Despartamen Camargo qu’embessounarié li relarg camarguen di Mantenènço de Lengadò-Roussihoun e de Prouvènço.

L’óujeitiéu ei de buta l’envanc felibren à la Camargo, en respetant si raro identitàri e culturalo ; Reviéuda la flamo dóu Felibrige i Sànti-Marìo-de-la Mar e à soun entour, ié rebaia l’enlusimen d’autre-tèms, en liame majamen emé li gardian e li gènt de Bouvino.

Pèr acò faire la Mestresso d’Obro Ano-Liso Chivalié es pressentido.

N’en dise pas mai, esperan la decisioun capoulierenco. »

 

Lou Sendi : L’Acamp Generau s’acabo :

  1. a) Dono Mirèio FOUGASSE, Ajouncho delegado à la culturo, es estado dins l’óubligacioun de parti raport is eleicioun senatourialo.

Lou Sendi : b)  Segne Capoulié ai l’ounour de vous baia la paraulo pèr quicho-clau de la sesiho, … Capoulié En Jaque Mouttet…                                

Lou Capoulié : « Bràvi Felibre,

Me fai gau de vous retrouba après tant de separacioun…vous felicite pèr l’edicioun, me fai gau de vèire que lou Lengadò-Roussihoun aura sa propro edicioun.

Lou proujèt Camargo me tèn à cor, … … la decisioun sara presso emé lou Lengadò e la Prouvènço. … … sarés assabenta à la Santo-Estello venènto… …

Sabino MISTRAL es estado elegido Sendi de Prouvènço. … …

Gramaci à l’escolo de Bèu-Caire… … siéu fisançous dins l’aveni, vese de voucacioun di gènt que soun prest e volon countunia dins li pas dóu Mèstre… …

S’avèn nouma Paulin REINARD es qu’a forço qualita e autour d’éu d’àutri jouine soun prest à prene la seguido… …

Après 15 an de Capoulierat lis annado s’en van e lou Felibrige countùnio… mete en plaço ma sucessioun… …

Vous gramacìe pèr voste acuei

Longo-mai en tóuti. »

Lou mot de Santo Claro :

  1. c) La paraulo fuguè baiado au Souto-Cabiscòu de l’Escolo Felibrenco Tradicioun de Bèu-Caire Moussu Frederi Porte, que nous diguè, en bono lengo prouvençalo, tout lou bonur e lou plasé, pèr l’Escolo de Tradicioun de Bèu-Caire e pèr la Coumuno, de nous reçaupre.

« Es uno grando joio de vous reçaupre… Bèu-Caire se souvèn de la vengudo de la Coupo… Gramaci is elegi… avèn de besoun d’èstre soulidàri ».

 

Sèrgi NURIS                                                                             Gabriéu BRUN

Secretàri                                                                                   Sendi Lengadò-Roussihoun

 

 

 

 

Agenda

< 2022 >
Mai
  • Aucun événement
© Le Felibrige Tous Droits réservés | Réalisation Dream Media® 2016 - Mentions légales et crédits