Uno colo de mounde que volon resta anounimo se recampèron dins un couleitiéu que ié meteguèron Association Souvenir Pierre Causse e decidèron d’ounoura lou paire Pèire Causse que nasquè en 1921. Pèr l’anniversàri centen dóu prèire que fuguè membre de la coungregacioun lazaristo e óumouinié naciounau di Bóumian, uno journado fuguè ourganisado à Primo Coumbo qu’es un rode mounte vènon de roumiéu, proche Fountanés de Gard. Mounsegnour Desplanches celebrè la messo e tóuti li participant partagèron un moumen de fraternita. Li fèsto s’esperloungaran jusqu’à la fin de l’annado à Lunèu.
